Rosalía na Biblioteca Xosé Neira Vilas

Rosalía na Biblioteca Xosé Neira Vilas

rosalia unha meniñaO Día do Libro Infantil a Biblioteca Xosé Neira Vilas de Vigo organiza actividades para os máis pequenos dedicadas a Rosalía de Castro, con motivo do 150º aniversario da edición de Cantares Gallegos. Poderedes ver unha exposición de diferentes portadas de publicacións que neste século e medio se fixeron da obra da escritora e os nenos poderán participar nas actividades Rosalía, unha meniña e  Ola ríos, ola fontes, ademais dun obradoiro de hip-hop.

Rosalía, unha meniña

É un espectáculo de poesía, historia, música e ficción poética, idóneo para conmemorar o 150º aniversario da publicación de Cantares Gallegos, de Rosalía de Castro, e o 50º aniversario do Día das Letras Galegas, que se celebrarán durante todo o ano 2013. É a historia dunha nena chamada Rosalía, nada no rural galego de comezos do século XIX, que soubo sentir, soubo escoitar e soubo cantar nunha lingua de pobres que daquela non se escribía.

Dirixida a: nenos maiores de 7 anos

2 de abril | 18 horas

Obradoiro de Hip-Hop

Obradoiro de hip hop baseado na vida e a obra de Rosalía de Castro impartido por Serxio Regos “García” do colectivo Hip Hop Dios Ke Te Crew.

Dirixido a: nenos maiores de 12 anos

23 de abril | 18.30 horas

Ola ríos, ola fontes

Ola ríos, ola fontes é unha achega a Rosalía de Castro dende a recreación dunha terra, a nosa, chea de poesía e música.

Dirixido a: nenos a partir de 3 anos

25 de abril | 18 horas

 

BIBLIOTECA PÚBLICA XOSÉ NEIRA VILAS de Vigo Cómo chegar

 

 

¡Compártelo!
Artículo anteriorBebegadis
Artículo siguienteSorteo: libro de OQO editora

Escribe un comentario

Este sitio usa Akismet para reducir el spam. Aprende cómo se procesan los datos de tus comentarios.