Festival das Cóxegas 2016

Este mes de novembro volve ao Pazo da Cultura de Pontevedra o Festival das Cóxegas con espectáculos de teatro, títeres, danza e circo pensados para os máis pequenos.

 

 

EL FANTÁSTICO VIAJE DE JONÁS EL ESPERMATOZOIDE de El Espejo Negro

Esta é a historia de Jonás, un diminuto e pequeno espermatozoide que se negaba a concursar na gran carreira da fecundación. Prefería durmir e lacazanear pracidamente no interior do testículo onde vivía. Pero o tempo acababa, e o noso lacazán e dormilón espermatozoide tiña que emprender a viaxe máis fantástica e alucinante de toda a súa vida… Unha viaxe sen volta, chea de perigos e aventuras, na busca do óvulo perdido…

  • Dirixido a: nenos a partir de 5 anos
  • 6 de noviembre | 18.30 horas

 

DES HÁBITAT de Vaivén Circo

Todo comeza un día no que a casualidade fai que catro personaxes nómadas deciden que xa é momento de ubicarse, de asentarse nun lugar que sintan que é seu, un espazo que os convirta en habitantes e no que poida que sexan felices. Curiosamente todos escollen o mesmo espazo, un lugar onde nunca pasa nada… Os catro chegan ao mesmo tempo, non se coñecen, pero sinten que é o lugar de todos. Teñen que decidir de que maneira van establecerse e cal é o espazo máis axeitado para cada un deles…

  • Dirixido a: nenos a partir de 4 anos
  • 13 de noviembre | 18.30 horas

 

¿CUÁL ES MI NOMBRE? de DATDanza

Un sofá que é un tren, unha alfombra convertida en espello, unha montaña de céspede que se move, lámpadas de amapoula ¡e ti mais eu! Si, ti ¿como te chamas? A identidade fortalécese cos anos pero a túa esencia está en ti desde que naces, amas, ris e choras… A través do movemento entraremos nun mundo que espertará a imaxinación de nenos e adultos. As palabras serán o fío conductor desta historia que se conta a través da danza.

  • Dirixido a: nenos partir de 2 anos
  • 20 de noviembre | 18.30 horas

 

AMOUR de MARIE DE JONGH-TARTEAN TEATRO E TEATRO ARRIAGA

O amor sempre nos dá unha oportunidade. Uns nenos xogan no país onde todo comeza. Teiman en descubrir o mundo transformando o seu universo. Imitan aos maiores, con ousadía e desenfado. Atrévense a amar sen saber cal é o seu verdadeiro significado. No dubidan en enemistarse antes, mesmo, de atopar a palabra odio nos seus petos. Saben de olores, pel, aloumiños, abandono, refuxio, desexo. Non saben do tempo.

Amour é un espectáculo teatral que nos fai reflexionar sobre a delgada liña que existe entre a desafección e o amor incondicional. Un canto ao encontro entre diferentes, unha chamada a liberarnos dos prexuízos.

  • Dirixido a: nenos partir de 7 anos
  • 27 de noviembre | 18.30 horas

 

 


ENTRADAS: 6€ en Ataquilla.com e de no esgotarse, dúas horas antes do espectáculo na billeteira do Pazo da Cultura.

Pazo da Cultura de Pontevedra Como chegar 

Escribe un comentario

Este sitio usa Akismet para reducir el spam. Aprende cómo se procesan los datos de tus comentarios.