Festas da Peregrina en Pontevedra 2013

 

Festas da Peregrina en Pontevedra 2013

peregrina2013En Pontevedra celebran do 10 ao 18 de agosto as Festas da Peregrina cun amplo programa de actividades e concertos. Recollemos aquí unicamente o teatro e os espectáculos dirixidos aos máis pequenos da casa. As festas comezan o día 10 de agosto ás 12 horas coa lectura do pregón.

12 de agosto

19.30 horas | Barafunda Animación coa obra Preséntame un pallaso | Praza do Teucro

Os nenos e nenas pequenos poden ter medo á figura do pallaso, por iso Lolo irá caracterizándose de clown diante deles pouco a pouco dun xeito didáctico e moi divertido con elementos que sacará da súa maleta: perrucas, traxe, zapatos, maquillaxe, nariz…

13 de agosto

21 horas | Festival Infantil Brincabolechas | Praza de España

A popular familia presentará o seu novo show ante todos os nenos e nenas que se acheguen a compartir con eles un rato de diversión.

14 de agosto

19.30 horas | Espectáculo de maxia Abraiante con Pedro Volta | Praza do Teucro

15 de agosto

17.30 horas | Xogos e tradicións populares | Avenida de Santa María

19.30 horas | Teatro Infantil con Ghazafelhos e a obra Contos para escagarriñarse | Praza do Teucro

Representarán tres historias de terror, misterio e loucura coas que os nosos pais, nais , avós, avoas, etc.. nos torturaron docemente durante a nosa infancia.

16 de agosto

19.30 horas | Teatro infantil con Barafunda Animación e a obra Xan das Ondas | Praza do Teucro

Xan é un rapaz ó que lle gusta moito o mar. Unha mañá descubre que non ten ondas e parece que está moi enfermo, así que emprende unha gran aventura adentrándose no máis profundo dos océanos para descubrir por que o mar non ten ondas.

17 de agosto

19.30 horas | Magín Blanco e A nena e o grilo nun barquiño | Praza do Teucro

Con esta nova obra de teatro infantil Magín Blanco, xunto coa nena e o grilo, convídanos a vivir unha historia de aventuras coa que as dúas personaxes irán descubrindo o mundo e os seus segredos, e tamén o seu propio mundo interior.

18 de agosto

19.30 horas | Teatro infantil con Quinteto Pentafonía + Seis Dedos e a obra Hansel e Gretel | Praza do Teucro

Recreación do conto “Hansel e Gretel” nun concerto con certo aire didáctico, a cargo do quinteto de vento Pentafonía e a compañía de títeres Seis Dedos.

Podedes consultar o programa completo na web do Concello de Pontevedra.

 

 

¡Compártelo!
Artículo anteriorPesdelán en Ribadeo
Artículo siguienteLooks de verano

Escribe un comentario

Este sitio usa Akismet para reducir el spam. Aprende cómo se procesan los datos de tus comentarios.