Viaxe ao mundo submarino

Nesta viaxe poderedes coñecer de preto os segredos, anécdotas e descubrimentos da historia da conquista dun vello soño humano: ser coma os peixes e coñecer os misterios dos fondos mariños. Unha visita guiada á sala do mundo submarino do museo, pero non coma simples testemuñas senón coma protagonistas da historia. Da man de xenios como Da Vinci, Cousteau, Monturiol, Sanjurjo Badía e outros, descubriredes os perigos de mergullarnos, as técnicas e tecnoloxías máis antigas, veredes peixes abraiantes a 1500 metros de profundidade… e outras tantas sorpresas.

Dirixido a: todos os públicos. Os nenos menores de 8 anos deben ir acompañados dun adulto

Duración: 90 minutos aproximadamente

Do 26 ao 30 de marzo | de martes a sábado | 11.30 horas

Consultar prezos. Require cita previa no teléfono 986 247 750

Contacontos no acuario: A lenda dos Mariño

Os máis pequenos poderán mergullarse no fondo do mar para escoitar a lenda tradicional dos Mariño de Galicia. Explorarán as lembranzas de Xan Mariño, vello lobo de mar. Tamén coñecerán moitos segredos dos peixes do acuario e poderán contemplar a momia dun verdadeiro home peixe…

Dirixido a: nenos de 3 a 7 anos sempre acompañados dun adulto

Duración: 45 minutos aproximadamente

24 e 31 de marzo | 12 horas

Require cita previa no teléfono 986 247 750.

Museo do Mar de Galicia en Vigo Como chegar

Actividades no Centro Arqueolóxico do Areal Salinae

Os sabores de Roma

O Centro Arqueolóxico do Areal Salinae propónnos unha pequena viaxe no tempo perseguindo os segredos dos sabores dos alimentos, sólidos e líquidos, da época romana. Viaxaremos polas súas costumes á hora de transportar alimentos, de conservalos, de cociñalos e de consumilos e disfrutaremos experimentalmente dalgúns sabores propios desta cultura.

Dirixido a: todos os públicos. Os nenos menores de 8 anos deben ir acompañados dun adulto

Duración: 90 minutos aproximadamente

Do 26 ao 30 de marzo | de martes a sábado | 11.30 horas

Entrada gratuita. Require cita previa no teléfono 986 247 750.

Centro Arqueolóxico do Areal Salinae en Vigo Como chegar