Museo Galego do Xoguete

En Allariz atopamos o Museo Galego do Xoguete, que nos ofrece unha bonita visita para facer con nenos. Porque nel atoparemos xogos e xoguetes de principios do século XX. Os máis pequenos coñecerán xogos agora esquecidos e recoñecerán outros máis recentes.

Museo Galego do Xoguete nace despois de que un veciño de Allariz, Alberto Oro, doase a súa colección de case 800 xoguetes de distintas épocas: dende comezos de século, ata os anos sesenta aproximadamente. Instalado no Pazo do antigo Xulgado, o Museo amosa pezas orixinais: bonecas, balóns, peóns, avións, coches, trens, soldados, patíns, xogos de mesa, e ata un fantástico futbolín inglés femenino de 1917. Todo un mundo para coñecer cómo xogaban os nenos de antes.

O Museo ofrece tamén a posibilidade da participación activa dos visitantes poñendo á nosa disposición sinxelos xogos de habilidade nos que empregar os sentidos, sobre todo a vista e o tacto.

Dende a súa inauguración en 1994 esta colección está medrando con novas cesións de visitantes que contribúen a enriquecer os fondos do Museo.

¿Por que nos gusta?

É unha divertida maneira de que os nenos de hoxe coñezan os xoguetes cos que medraron os seus pais, os seus avós e incluso os seus bisavós.

  • Horarios:  sábados de 12 a 14h e de 17 a 19h e domingos de 12 a 14h e de 16 a 19 h.
  • Prezo: 1€
  • MUSEO GALEGO DO XOGUETE Como chegar 
  • Para visitar o museo outro día da semana podedes consultalo no teléfono 988 402 008.

Escribe un comentario

Este sitio usa Akismet para reducir el spam. Aprende cómo se procesan los datos de tus comentarios.