Festas de San Froilán

O San Froilán Miúdo

sanfroilan2012Como cada outubro comezan en Lugo as Festas de San Froilán e este ano veñen cargadiñas de actividades para os miúdos da casa. Dende o 4 ata o 12 de outubro os rapaces e rapazas poderán disfrutar de pasarrúas, teatro, maxia, contacontos, malabares… que encherán de alegría e colorido as rúas e prazas da cidade.

Merlín

5 de outubro | 12:30 h | 18:00 h
Lugar: Carpa dos Xardíns da Deputación

A compañía de teatro Os Quinquilláns combina en Merlín a interpretación actoral con cancións, batallas, pequenas maxias e algún boneco que os acompaña na aventura por Avalón, a “Illa das mazás”.

Desfile de Xigantes e Cabezudos

6 outubro | 12:30 h
Lugar: Praza Maior

Desfile de Xigantes e Cabezudos a cargo de Trebas Galaicas.

Kote Malabar Cirkote

6 outubro | 18:00 h
Lugar: Xardíns da Deputación

Animación de rúa da man do artista Kote, cómico e malabarista. No seu espectáculo combinará técnicas de teatro, circo, clown, malabares e moito humor que farán as delicias de toda a familia.

Ensalada de Instrumentos

7 outubro  | 18:00 h
Lugar: Xardíns da Deputación

A cargo da compañía Os 3 tenedores e a obra Ensalada de Instrumentos, onde ofrece unha viaxe a través da historia dos instrumentos na que os rapaces serán os protagonistas, probando eles mesmos instrumentos coma o violín, teclado, guitarra, batería e outros instrumentos non convencionáis.

Vacacións no mar

8 outubro | 18:00 h
Lugar: Xardíns da Deputación

Divertido espectáculo de títeres de guante a cargo da compañía Mircromina Teatro, no que se conxuga o tradicional estilo da cachiporra cuns caracteres e uns aconteceres renovados para o público infantil de hoxe en día.

Peruchiña busca axuda

9 outubro  | 18:00 h
10 outubro | 18:00 h
Lugar: Xardíns da Deputación

A cargo de Mª Inés Cuadrado, narradora, docente e cunha ampla experiencia como actriz realizando espectáculos sobre contos, lendas e poemas para público infantil e adulto. Nesta ocasión presenta esta montaxe titulada Peruchiña busca axuda.

Polos Pelos

11 outubro  | 18:00 h
Lugar: Xardíns da Deputación

Os Assircópatas desenvolven circo dunha maneira teatral. Nesta ocasión presentan a súa montaxe “Polos Pelos”, a historia dun perruqueiro particular que terá que reinventarse para adaptarse aos tempos modernos.

Teatro Infantil

12 outubro  | 12:30 h | 18:00 h
Lugar: Xardíns da Deputación

A compañía Teatro de Ningures presentan a súa montaxe de rúa Cómicos dell´auto acompañados dun pequeno autobús de época, e percorrerán as rúas do centro da cidade, facendo pequenas paradas para interactuar co público. Rematarán na Rúa San Marcos, diante da Deputación, coa representación da micropeza A Comedia de Carmiña.

Máis información consultando o Programa das Festas

¡Compártelo!
Artículo anteriorTeatro en Ourense I
Artículo siguienteContacontos para bebés

Escribe un comentario

Este sitio usa Akismet para reducir el spam. Aprende cómo se procesan los datos de tus comentarios.