Música animada no MACUF

O Museo de Arte Contemporáneao da Coruña prepara, por sétimo ano consecutivo, o seu programa musical para os máis pequenos da casa. Poderedes gozar de diferentes estilos, dende a música popular ata a música clásica, pasando polo jazz, o soul ou o swing. Todo iso estará aderezado con tons de humor, personaxes sorpresa, marionetas e debuxos animados.

Dirixido a: público infantil e familiar

Domingos alternos entre o 10 de novembro de 2013 e o 11 de maio de 2014

De 12.30 a 13.30 horas

Entrada libre,  limitada ao aforo do auditorio

MACUF na Coruña Como chegar

[divider style=”dotted” height=”40px” ]

10 de novembro | 12.30 horas | As cores das cordas

Un concerto inesquecible cos nosos amigos os Arcos Iris. Seis músicos da Orquestra Sinfónica de Galicia cos que faremos xogos e aprenderemos os segredos dos instrumentos de corda.

24 de novembro 12.30 horas De profesión, compositor!

Neste concerto acompañaránvos o violín, o violoncelo e o piano do Trío Merlín. Poderédesvos somerxer con eles nunha viaxe na que coñeceremos importantes compositores do repertorio clásico.

8 de decembro | 12.30 horas | Canta con nós I

Os cantantes Victoria Álvarez e Miguel Abalo, e o pianista Jose Manuel Yáñez traerán a maxia do musical. Embarcarédesvos con eles cara a novos destinos: O País de Nunca Jamás, a selva misteriosa, a exótica Arabia, o bosque encantado de Blancaneves e os Sete Ananiños, e descubriredes que canción soaba cando Cinsenta encontrou ao seu príncipe azul.

22 de decembro | 12.30 horas | O agasallo de Nadal…!

Escoitaredes a sonoridade dun excelente quinteto de metais. FormulaBrass acompañarávos nesta historia que promete dar moitas sorpresas!

5 de xaneiro | 12.30 horas | Ollos de Mel

O grupo de música infantil Pirilampo interpretará algunhas das cancións do seu último disco, teremos tamén debuxos animados!

19 de xaneiro | 12.30 horas | A Ritmo de Swing

Gozaredes do son dunha gran Big Band, a Atlantic Club Big Band dirixida polo mestre Jose Somoza, que traerá bandas sonoras de películas e outros temas coñecidos por todos, “a ritmo de swing”.

2 de febreiro | 12.30 horas | Canta con nós II

Volveredes ao marabilloso mundo de Walt Disney, onde vos esperan amigos como Peter Pan, Tarzán, Pinocho, Aladín, Los Aristogatos e… moitos máis!

16 de febreiro  | 12.30 horas | A misteriosa caixa de música

Un neno, unha caixa de música e un ser marabilloso que vive dentro dela son os elementos principais desta historia. Os nenos e nenas do taller “Imos facer música” ofrecerán un concerto cheo de sorpresas acompañados da Banda Sinfónica Adagio Cantabile.

2 de marzo  | 12.30 horas | A Ritmo de Jazz

O grupo Dorna Jazz Quartet Music interpretará unha selección das cancións infantís máis populares de todos os tempos “a ritmo de Jazz”.

16 de marzo  | 12.30 horas | Tocamos un blues?

Os Revival Stompers invítanvos a empaparvos das augas do Mississippie escoitar o xénero musical que crearon os escravos afroamericanos ás beiras deste río.

30 de marzo  | 12.30 horas | Música á Carta

Damas e cabaleiros! Nenos e nenas! Séntense e proben o “menú” que nos ten preparado o Cuarteto Rubato! Un concerto para chuparse os dedos!

13 de abril  | 12.30 horas | A máquina do tempo

O grupo de percusión Attaka traeranos todo o seu ritmo nun concerto cheo de cor e de instrumentos musicais, para levarnos a unha viaxe a través do tempo!

27 de abril  | 12.30 horas | Pinocho

Gozaredes das peripecias do neno de madeira máis famoso da literatura infantil grazas aos monicreques da compañía Naip e a música de Tactum Ensemble.

11 de maio  | 12.30 horas | O Mago de Oz

O latin jazz de Marossa Jazz Project acompañará Dorothy e os seus amigos neste famoso conto escrito polo norteamericano Lyman Frank Baum.

 

 

 

Escribe un comentario

Este sitio usa Akismet para reducir el spam. Aprende cómo se procesan los datos de tus comentarios.