Music Mind Games con Paula Colás

Hoxe a nosa colaboradora Paula Colás fálanos das sesións de Music Mind Games, queredes saber como son? Deixámosvos con ela…

Aprender a interpretar a música e comprender a súa parte máis teórica tamén pode ser divertido para os máis pequenos, so é necesario saber cómo captar a súa atención e facer que o vivan como algo único, como un desafío. Esto é precisamente o que consegue o equipo educativo de En Clave Método Suzuki durante as súas sesións de Music Mind Games.

Esta metodoloxía de ensinanza musical que compaxina a aprendizaxe a través do xogo e a experimentación, coa adquisición dun novo idioma, o inglés, permite aos máis pequenos desenvolver, ao seu ritmo, unha memoria máis áxil, unha filosofía de traballo en equipo nada competitivo e sempre co respeto a compañeiros e profesores como emblema.

¿Cal é a clave dos Music Mind Games?

  • uns materiais atractivos e variados
  • a repetición dos exercizos
  • o sentido do humor, que garantiza que os alumnos se relaxen e aprendan máis rápido
  • a satisfacción dos nenos ao percibir o seu propio progreso
  • e, en definitiva, a felicidade

 

musicgames_enclave

Esta técnica desenvolvida por Michiko Yurko fai fácil a teoría musical, xa que os pequenos adquiren, de maneira dinámica e sofisticada, habilidades como a lectura de notas, o dictado, o ritmo… Pero sempre a través de xogos cooperativos e imaxinativos. Ao tratarse dunha sesión grupal, as preferidas dos máis pequenos, asegurámonos de que a van a disfrutar ao máximo, xa que é unha forma de socializar, de compartir a súa experiencia musical con outras persoas coas súas mesmas inquedanzas.

A filosofía de Music Mind Games camina parella á do Método Suzuki, pois en ambos casos apóstase pola aprendizaxe musical a través da diversión e a actitude positiva e motivadora dos profesores, para que o alumno case non se dea conta de que está aprendendo.

Ademais, son dúas filosofías afíns que se complementan perfectamente, posto que os nenos poden comezar a tocar o violín ou a viola con so tres aniños grazas ao método Suzuki, e introducir a parte máis teórica que lle aporta Music Mind Games unha vez manexen as posturas básicas destes instrumentos.

Cada semana, En Clave ofrece unha nova sesión de Music Mind Games, sendo o único centro de Galicia que imparte esta especialidade recoñecida polo achegamento lúdico da linguaxe musical aos nenos

¡¡Graciñas Paula por compartir tanto con nós!!

Escribe un comentario