Mamá Cabra de concerto

Un día dende Mamá Cabra quixeron escribir unhas cartas a uns personaxes moi singulares e pensaron: “mellor que cartas de papel, ou electrónicas, ímolas facer musicais. Aforramos papel e gasto de luz. E ademais, servirán para que os nenos e as nenas tamén as canten e as bailen con nós”.
Casimiro, o elefante, foi o primeiro en contestar. Colleu o lapis coa trompa e mandounos unhas letras africanas; o oso polar aínda tardou un chisco, pois dixo que se lle conxelara a tinta do boli; Papá Noel quedou en que a traía polo Nadal; o lobiño non a mandou, pois, como é tan pequeno, non sabe escribir (sabémolo porque así o dixo a mamá loba, que si que nos escribiu); o polo Pepe, rarísimo, non dixo nin pío; a vaca Sofía tampouco escribiu, pero mandou un delicioso queixo; a ratiña escusouse dicindo que na cova non tiña luz; e o gatiño, meloso, mandou unha carta chea de miañadas arreboladas.

O espectáculo Cartas que veñen e ván estará este venres en Boiro.

  • 12 de decembro | 20 horas
  • Casa da Cultura de Boiro  Como chegar
  • Entrada: 1€ en taquilla

 

[divider style=”dotted” height=”40px” ]

Dirixido a: todos os públicos

Podedes seguir os concertos na web Merlo Branco Producións.

Escribe un comentario