Cine infantil en Pontevedra

A partir do día 26 de outubro en Pontevedra poderedes disfrutar de cine infantil nun ciclo organizado pola ANPA Joaquín Costa do CEIP Álvarez Limeses, o Cine Club Pontevedra, o Centro Galego de Artes da Imaxe e o Museo.

Buster Keaton day

O ferreiro, 1922. (The blacksmith). 22 minutos. Buster traballa nunha ferrería ata que esnaquiza un Rolls Royce.
O maquinista da Xeral, 1927. (The General). 74 minutos. Johnny é o maquinista da Xeral na guerra onde demostra o seu valor para namorar a rapaza que o engaiola.

26 de outubro | 17 horas

[divider style=”dotted” height=”40px” ]

Curtametraxes galegas I

Alistán o demo oveiro, 2003. 13 minutos. O demo Alistán ten o mal das flatulencias, o médico recéitalle que coma ovos.
Os defuntos falaban Castelao, 2001. 11 minutos. Na noite de defuntos unha moza escapa para casar co seu mozo; esa mesma noite os veciños escoitan voces no camposanto que falan Castelao.
A escola das areas, 2002. 11 minutos. Nunha viaxe a Pontevedra Frei Martín Sarmiento tentará ensinar a Afonsiño a ler e escribir en tres días.
In-animados, 1992. 6 minutos. Dous guerreiros de xoguete enfróntanse entre si cando todo o mundo durme na casa.
Aventuras de Ventura, 2004. 14 minutos. Ventura é un neno que nunca quería ir á cama até que un día lendo un libro queda durmido e entra nun mundo de soños.
O bosque animado, 2002. 24 minutos. As toupiñas teñen que estudar para un exame de facer galerías.

16 de novembro | 17 horas

[divider style=”dotted” height=”40px” ]

O bosque animado, 2001. 90 minutos.

Todos os días o Sr. D’Abondo e o seu fiel criado Rosendo atravesan a fraga de Cecebre. Ás veces, o desconfiado servente non dubida en exclamar: “Parece que estivese animado o bosque enteiro!”. Así é en realidade xa que, en canto os humanos se afastan, a natureza transfórmase e amosa todo o seu esplendor, mentres árbores e animais viven en alegre e feliz harmonía. Non obstante, a man do home, que todo o altera, traerá ao bosque a desorde e a infidelidade. A colonia de toupas comezará a desaparecer, as árbores xa non cantarán as súas cancións que imitan o vento, os gatos rebelaranse contra o home e as moscas dedicaranse a amolar máis do habitual. A toupa Furacroios, a gata Morriña, o rato Piorno e a Árbore Carballo, entre outros habitantes da fraga, aliaranse para solucionar os problemas e levar de novo a harmonía ao… Bosque Animado.

14 de decembro | 17 horas

[divider style=”dotted” height=”40px” ]

Especial Segundo de Chomón
Os comezos do cinema. 60 minutos. A artista Raquel Queizás tomando como base a obra do turolense Segundo Víctor Aurelio Chomón e Ruiz, fai unha libre recreación dos comezos do cinema e rende homenaxe a unha figura descoñecida para o público xeral pero que hoxe é recoñecido como grande mestre do cine fantástico.

 18 de xaneiro | 17 horas

[divider style=”dotted” height=”40px” ]

P3K: Pinocchio 3000, 2004. 83 minutos

Ano 3000, Gepetto un inventor xenial da cidade de Scamboville crea a Pinocchio: un pequeno robot coa personalidade de un neno de carne e oso. Pinocchio soña con converterse nun neno de verdade.

15 de febreiro  | 17 horas

[divider style=”dotted” height=”40px” ]

Curtametraxes galegas II

O camiño das estrelas, 1993. 34 minutos. Unha historia de amor entre un lobo e unha serea. Os protagonistas percorren diversas manifestacións galegas: a rapa das bestas, un desfile de modelos, os percebeiros, un concerto da Nova Orquestra Galega e o Orfeón Terra a Nosa en San Martiño Pinario, os cigarróns de Verín, a Escola de canteiros de Poio.
Jako e o ladrón de mascotas, 2002. 7 minutos. No espazo están a desaparecer as mascotas e ninguén sabe quen é o culpable.
Meigallos, sombras e papas de arroz, 2001. 11 minutos. Cansa dos poucos resultados do doutor, unha nai decide pedirlle á meiga do Castro axuda para sana-lo seu esmirrado fillo.
O noticieiro do espazo, 2003. 6 minutos. A galaxia está conmovida pola crecente desaparición das mascotas espaciais, todos os medios de comunicación están pendentes da evolución do caso. O programa de televisión “O noticieiro do espacio” intentará revelar todo o que se esconde atrás deste misterio.
Nut, 1997. 9 minutos. Nut é unha nena teimuda e orgullosa que vive nunha casa no bosque. Ten unha relación singular co seu oso de feltro.
Os titirinautas, 1993. 22 minutos. En Remos queren que sempre faga sol. O Conde Pampín, Tristán, Sincopeto, os habitantes de Remos, Antón e Sabela. Sol de Remos botámoste de menos.

15 de marzo | 17 horas

 [divider style=”dotted” height=”40px” ]

A entrada é de balde e o Museo de Pontevedra pon a disposición dos interesados 50 entradas, que poden ser retiradas na recepción do Sexto Edificio.

Podedes ver o programa completo AQUÍ

Auditorio do Sexto edificio do Museo de Pontevedra Como chegar

 

 

Escribe un comentario

Este sitio usa Akismet para reducir el spam. Aprende cómo se procesan los datos de tus comentarios.