Brinca Gaiás

 

Brinca Gaiás

Brinca Gaiás é o novo programa de actividades para nenos da Cidade da Cultura para achegarlos á música, a ópera, ao teatro ou á danza a través do xogo e a diversión. Os nenos volverán ser os protagonistas a través dun ciclo co que a Cidade da Cultura tratará de inculcar o gusto polas artes escénicas desde idades temperás. 

Il Cirque D’Amore

cirque d'amoreA través dunha divertida historia chea de humor para nen@s e adultos, dous cantantes e un pianista repasan un repertorio operístico ben popular. Micaela é a muller barbuda do Cirque d´Amore; nel limpa a pista, dá de comer aos elefantes, cociña para os artistas e baila… Con axuda de Pierrot marchará do circo e coñecerá a Figaro, un barbeiro tolo que dará a Micaela confianza nela mesma. Pero… conseguirá Micaela ser feliz?

Dirixido a: Nen@s a partir de 4 anos

Duración: 45 minutos

17 de febreiro | 12 e 17 horas

Prezo: 5€

Entradas: Podedes mercar as entradas a través de Servinova.

Flamenco Kids

Brinca_FlamencoUn concerto que achega a maxia do flamenco ao público familiar. Isto é Flamenco Kids, un espectáculo que lle ofrece, por primeira vez, ao público infantil, un concerto didáctico e ameno con músicas e letras elaboradas coa mesma calidade que un espectáculo destinado a un público adulto, onde o flamenco é o vehículo estético e rítmico para contar unhas historias que cheguen á alma dos nenos e tamén dos pais.

Dirixido a: Nen@s a partir de 3 anos

Duración: 50 minutos

10 de marzo | 12 e 17 horas

Prezo: 5€

Entradas: Podedes mercar as entradas a través de Servinova.

Concerto para bebés

Brinca_BebesEste concerto para bebés de Paulo Lameiro é un concerto onde os bebés son convidados a escoitar. Música clásica da man de temas tradicionais, pop-rock e improvisacións vogais-instrumentais nos que o público é partícipe. Unha experiencia de complicidades, onde os sons e os silencios sorprenden a todos. De Monteverdi a Mozart, do cavaquinho aos didgeridoos, intercámbianse espantos e escóitanse suspiros, todo aderezado coa propia iniciativa do espectador.

Dirixido a: Nen@s de 0 a 3 anos

Duración: 45 minutos

28 de abril | 12 e 17 horas

Prezo: 8€

Entradas: Podedes mercar as entradas a través de Servinova.

 

CIDADE DA CULTURA en Santiago de Compostela Como chegar

 

 

 

Escribe un comentario

Este sitio usa Akismet para reducir el spam. Aprende cómo se procesan los datos de tus comentarios.