Colo de mai

Hoxe escribimos no blog cun sorriso máis grande do habitual porque imos a presentarvos a unha colaboradora de luxo. O seu nome é Paula Vázquez e o seu proxecto Colo de Mai.

A súa dozura e a súa paixón polo que fai conquistáronnos dende o primeiro momento. Porque tal e como nos conta Paula, Colo de Mai naceu da súa intención de xuntar dúas das súas paixóns: a súa profesión como traballadora social e a súa maternidade. “O meu desexo era chegar a un equilibrio entre os meus intereses e inquietudes profesionais e o meu propio momento persoal, a crianza das miñas dúas fillas, Celia e María, iniciais tamén do meu emprendemento“, explica.

A chegada das súas fillas foi o impulso que necesitou para continuar formándose, primeiro como “Asesoras Contínuum” para retomar o seu labor de traballadora social, asesorando familias, e despois como asesora de porteo. “Colo de Mai contén nas súas iniciais, as claves do porteo ergonómico: costas en C e pernas en M. Unha segunda casualidade ou mellor “causalidade”… En C e M comeza todo, o camiño cara á miña nova forma de entender o mundo,” cóntanos.

 

paulavazquez

 

Paula continuou formándose como asesora de lactación, crianza con apego, coidados nai canguro… introduciuse na mediación familiar, o coaching aplicado ao traballo social, e continúa en formación, neste momento como Doula. Ademais formouse con Eloísa López de Culitos de Tela e con Patricia Osuna de Bebés Naturales como asesora en cueiros de tea: “supuxo para o min un cambio na miña forma de entender a crianza. Intentaba evitar compoñentes nocivos para a pel do meu bebé, pero estendino ao coidado de toda a familia. Un proceso que empezou usando cueiros de tea, en lugar de desbotables, e que continúa, cun desexo de cumprir, na medida do posible, as tres erres da ecoloxía: Reducir Reutilizar e Reciclar” explica.

 
 

Colo de Mai

 

O seu último proxecto de Colo de Mai é a tenda online que pronto estará activa. A tienda está dedicada a aquelas familias que buscan unha alternativa en canto a produtos para os seus bebés, nenas e nenos, ademáis de incluir unha línea especializada para a muller, con produtos respetuosos coa súa propia natureza e coidadosos co entorno.


 

Que é Colo de Mai?

Un espazo onde se ofrecen servizos de información, orientación e asesoramento de maternidade y crianza, incorporando a experiencia e formación como traballadora social, como axente de cambio, de Paula Vázquez.

“Fáltannos referentes, e exemplos aos que mirar, e neste camiño intenso, queremos compañía, pero non que nos xulguen, nin nos digan o que temos que facer. De aí nace Colo de Mai. Servizos e produtos para ti, para que os uses á túa maneira, e os incorpores como desexes á túa vida diaria e á da túa familia”.

 
 
Pronto Paula nos acompañará no blog e nos irá introducindo pouquiño a pouco en todo o seu universo de Colo de Mai!!! Moitas grazas Paula,

agardámoste!

 
 
 

¡Compártelo!
Artículo anteriorColo de mai
Artículo siguienteAs maimiñas en Vigo

Escribe un comentario