Rutas do Club Montañeiros Celtas de Vigo

Camiñar, facer deporte e estar en contacto coa natureza. É o que nos propoñen dende o Club Montañeiros Celtas de Vigo. De forma periódica organizan pequemarchas e actividades dirixidas aos nenos. Neste mes de marzo poderedes disfrutar da V Pequemarcha polo Parque Forestal do Galiñeiro, unha saída de Espeoloxía a Cobas e unha excursión aos Ancares. 

V Pequemarcha polo Parque Forestal do Galiñeiro

Durante o percorrido poderedes ver as mámoas, o lugar onde se celebra o curro e gozar das vistas sobre a enseada de Baiona, as illas Cíes e punta Subrido. Visitares un dos xacementos rupestres máis importantes de Europa: os petroglifos de Auga da laxe. Pasaredes tamén a coñecer o refuxio que o Club Montañeiros Celtas ten no Galiñeiro. É unha marcha sinxela, circular, onde se pretende pasar unha xornada cos máis cativos gozando das actividades ao aire libre.

10 de marzo | 11.30 horas

Inscrición: No Club Montañeiros Celtas (Avenida das Camelias 78), no teléfono 986 438 505 ou no mail info@celtas.net. O prazo límite é o día 6 de marzo.

Prezo: 2€ para os socios e 3€ para os non socios. Os nenos de balde.

Saída infantil de Espeleoloxía en Cobas (Ourense)

Para participar nesta saída é imprescindible ter a licencia federativa en vigor. Nesta saída os participantes viaxarán ata Cobas, no concello ourensán de Rubiá, no parque natural de Serra de Enciña da Lastra. A saída está prevista para o día 16 de marzo ás 10 horas dende Concheiro. As actividades de espeoloxía realizaránse a tarde do sábado e a mañá do domingo. A volta a Vigo será o domingo ás 20 horas no club.

16 e 17 de marzo | Saída ás 10 horas desde Concheiro

Inscrición: No Club Montañeiros Celtas (Avenida das Camelias 78), no teléfono 986 438 505 ou no mail info@celtas.net. O prazo límite é o día 13 de marzo.

Ancares

Coa chegada da primavera  o Club Montañeiros Celtas organiza unha saída aos Ancares. Dende o club recomendan levar unha mochila grande (útiles de aseo, roupa de abrigo e roupca cómoda, chuvasqueiro e botas de montaña) e unha mochila para as saídas con crema solar, gorra e cantimplora, ademáis do saco de durmir. Teredes que levar a comida do sábado e do domingo e  a noite pasarédela nun albergue.

16 e 17 de marzo

Inscrición: No Club Montañeiros Celtas (Avenida das Camelias 78), no teléfono 986 438 505 ou no mail info@celtas.net. O prazo límite é o día 14 de marzo. O prezo da actividade aínda está sen confirmar.

Para máis información podedes chamar ao teléfono 986 438 505.

 

 

Escribe un comentario

Este sitio usa Akismet para reducir el spam. Aprende cómo se procesan los datos de tus comentarios.